انت انت
يمته اشوفج ياربيع يطيب العشرين سحره
يمته اشوفج يا سعاده وطيب وحجايات خضره
انت انت شمابعدتي يزيد حبج الف مره
ومثل صبرايوب صبري من تالم زاد صبره
شوكج ويه الروح عايش ياطعم ذيج المسره
وصفه تاخذني وتردني وصفنه بيه العين تبره
ناطره دروب المحبه وتنتضر جيتج يسمره
وعودة روحي على الغربه واشوف الروح متحيره
ملت من صبره ايام وشتاكت على الحسره
يحبابه وحسافه العين ما ضاكت ضوه الكمره
اسولف واحترك ونحب واضوك من الدمع مره
ورد وشتاك ليامج يمن بالروح الج ذكره
حسافه البعد لاوينه وحسافه اتعوفنه العشره
احنه بكلب صرنه ثنين لاوينه الوكت واكثر
عشكنه الفرح والدمعه عشكنه الطيب والمعشر
ويلحبيبه لجل عيناج اضل كل الليالي اسهر
اضل متوسد اهمومي واتاني الفجر من يطر
بلجي يطيب جرح الشوك ويام البعد تكبر
ويصير البعد ملكه وبلكي الوكت يتغير
ونطوي ايام كله هموم ونعيش بمحبه اكثر ونعيش بمحبه اكثر
ارجو ان تنال رضاكم اخوكم سعد
موضوع: القصيده الوحيده التي بقت في ذاكرتي 
السبت مايو 10, 2008 10:04 am
