ليالي السود حتى اسمي محنه
بسبب دهري علي أردف محنه
حبيبي أشبيك ماعدك محنه
ولك بس بالنفاه أتمر عليه
________________
أتنخه تريد أجيك اليوم بالحال
وأنت اعرف حبيب الروح بالحال
شمحلها وياك ما تقتنع بالحل
أدليك الدرب وترد عليه
________________
رشيق الطول كال أبشعر صفنه
وجمالك بالد الشعر محتاج صفنه
بطولك لو تجي وتصير صفنه
صفر ينطونه وينطوك ميه
__________________
صفنت أشبيك يالمحبوب سرحان
جثيره أهمومك أو بالروح سرحان
إذا ربعك غنم وك صير سرحان
حلات الذيب بالشده يتهيه
__________________
الشاعر رحيم المالكي
اتمنى تعجبكم
موضوع: ابو ذيات للشاعر المرحوم رحيم المالكي 
الأحد يوليو 06, 2008 9:51 am